Chislett ucela badlali be-Chiefs kutsi bakhuphule masokisi njengobe bayodlala ne-TS-Galaxy

Lomdlali lotsandvwa balandzeli be-Amakhosi Ethan Chislett, ucwayisa badlali be-Chiefs ngekutsi bakhuphule kakhulu masokisi kulomdlalo lolandzelako we-Betway Premiership.

Ngaphandle nje kwekutsi i-Chiefs isandza kushaya i-Orbit College 4-1, kodvvwa Chislett utsi akumelanga banake loko kakhulu kodvwa kufanele banyuse emasokisi, bacaphele kuncoba.

I-Kaizer Chiefs itawucudzelana nelicembu le-TS Galaxy e-FNB Stadium ngeliSontfo, ngemhlaka 12-Mabasa 2026. I-Chiefs ihleli kunombolo -3 kuleligi ye-Betway Premiership, ilandzela iPirates, futsi alandzelwa licembu le-Usuthu.

Banemaphuzu langemashumi lamatsatfu nemfica (39) njengobe basamdza kukoleka emaphuzu layimfica kumidlalo lemitsatfu kulandzelan.

Chislett utsi lomoya wekutikhandla ungehli kulabadlali kodvwa awukhuphuke kakhulu, kute batokhona kuncoba kulomdlalo lolandzelako.

“Vele moya wetfu ukahle njengobe sicedza kuwina kulomdlalo lesisuka kuwo. Kutetsemba kusetulu, kantsi futsi siyatibkutsi singatfutfuka sente kancono kuloku,” utjele iwebusayithi yalelicembu.

“Akumelanga sikhululeke tukwemidlalo lebanakala ilula, kwamele sikhohlwe ngaloko sibone licembu lekufanele silishaye, kantsi futsi ngiyo intfo lesifuna kuyenta.”

Ngemuva kwalomdlalo wabo ne-TS Galaxy, kuyomele bavakashele lelase Limpopo, i-Polokwane City.

By:Nkosinathi