Kungani iRB Leipzig ikhetse kudlala ne-Sundowns?

Sihlalo welicembu le-RB Leipzig Johanne Plenge, ucacise ngekutsi kungani bakhetse kudlala ne-Sundowns kumdlalo wemalungiselelo.

I-Mamelodi Sundowns itawuvakashelwa licembu lase Germany lelidlala ku Bundesliga, lomdlalo utawutsatsa indzawo e-Lucas Moripe Stadium ePretoria, ngomhlaka 29 INkhwenkhweti 2026.

Sihlalo Plenge we-RB Leipzig utjele be-Midiya yase Mzansi Afrika kulomhlangano we-press conference ngoLwesitsatfu.

Ubike ngalendlela Masandawana adlala ngakhona enkhundleni, nelisiko lebhola lawo ngiko lokumdvonse emehlo kwamenta wafuna kudlala nalelicembu.

“Ngicabanga kwekutsi kungenca yekuba nemehlo lakhaliphili,” kubike Plenge.

“Vele siyafuna kuba netimbangi letisezingeni leliphakeme kufana neSundowns sonke lesiyibone ku-FIFA Club World Cup.

“Sonke siyawati umlandvo we-Sundowns wekuncoba sicoco se-Premier Soccer League mahlandla la-8 kulandzelana.

“Ngako ke, sifuna kucudzelana nemacembu lahamba phambili, kantsi iSundowns iliccembu lelitihambela phambili.”

By:Nkosinathi