Letibuhlungu nga-Edwin Gyma adliwa indlu mndeni wakhe

Sekubikwe kutsi lomdlali waseveni lase-Ghana loneminyaka lengu-35 ngebudzala Edwin Gymah akasanakhaya, ngemuva kwekutsi umndeni wakhe umkhabanisele indlu yakhe.

Lomdlali lokewagijima ecenjini le-Black Leopard, i-Orlando Pirates, kanye ne-Sekhukhune United, ubike kulomsakato wangakubo i-Oyerepa FMngalendzaba lemangalisako.

Gymah ubike kwekutsi lomndeni wakhe usale watsatsa indlu yakhe lenemakamelo layi-8, ngalesikhstsi ase-Ningizimu Afrika afunana nelusito lukamoya mayelana netinkinga temsebenti.

“Ngalesikhatsi ngisebenta nganikela konke ngenca yemndeni wami, kakhulu kati Make nebantfwana bakitsi.

“Kodvwa ngenca yekugcina ngingasaboni ngeliso linye ne-jenti yami lebeyingikhuluma kabi esigungwini, yonke intfo yavele yagucuka.

“Budlelwano bami babhidlika, baphatsi bami, bangani, bozakwetfu ngisho nomndeni wami wangifulatsela,” kusho Gymah.

“I-Agent yami ingishiyile ngatfola emakontilaki cishe langu-21 phakatsi nemnyaka, kodvwa zange aphumelele.

“Ngaphendvukela emndenini wami kutsi ngitfole lusito, kodvwa ngiso nangemoya awumange uchumane nami.

“Ngalesikhatsi ngise-Ningizimu Afrika dzadzewetfu wangicela kutsi ngintjintje kuphatfwa kwendlu yami nga-GHS 25,000 (cishe R75,000).

“Kamiva ngiwunyuse waba ngu GHS 50,00. Nangibuyela eGhana ngatfola kutsi imuti wami udliwe.

“Nginemahloni futsi ngiphukile emoyeni, kantsi futsi ngisola kwekutsi ngihlaselwa ngekwemoya, umndeni wami ingati yami.

“Ngike ngahlangabetana netingoti, kulimala kabuhlungu, kanye nemishikashika lesachubekako nanyalo. Mine angisati ngenteni.”

By:Nkosinathi