Letibuhlungu ngemdlali welicembu le-Orlando Pirates loshonelwe mtfwana
Umdlali lomusha welicembu le-Orlando Pirates, Daniel Mosendami ubike ngalokumphazamise acedza kujoyina lelicembu.
Mosendami ujoyine lelicembu asuka ku-Marumo Gallants ngenyanga ya-Bhimbidvwane 2026.
Kovwkuze kufike lomuhla, lomdlali akalitfoli kahle litfuba lekudlala, futsi akamange acale nesikwadi salelicembu emdlalweni ungena asuka ebhentjini.
Kodvwa lokujabulisako kutsi usatsenjwa kakhulu ecenjini lesive lakubo iZimbabwe, bekabitiwe kumidlalo yemalungiselelo eFIFA World Cup.
Ubutwe ngemnyakato wakhe wekutsi atsatse sincumo sekujoyina lelicembu njengobe angadlali ngalokuphelele.
“Kube mnyakato lomuhle kakhulu kimi, futsi kube sinyatselo lesingiyisa phambili,” kuphawule Mosendami.
“Kube mnyakato lomuhle kakhulu, kodvwa kunesimo semndeni lengibukana naso lesingilimata kakhu.
“Kodvwa ngiyazama kwekutsi ngikhule ngikhone kundlula kuso, kodvwa ngiyatsembisa kwekutsi ngitawundlula kuso masinyane.
“Ngitawujwayela ecenjini bese ngenta kancono ngekuhamba kwesikhatsi,”kungetele yena.
By:Nkosinathi
