Lobekadliswa ma-ayisi ku-Pirates utfole likhaya lelisha

I-Orlando Pirates seyikucinisekisile ngalokusemtsetfweni kutsi Tshegofatso Mabasa lobekungumgadli lebake batsembela kuye uyodlala ku-Stellies lesizini yonkhe.

Lomdlali loneminyaka lengu-29 ngebudzala lobekatitfola ashatjwa libhentji kulesinye sikhatsi angangeni kwasanhlobo ngephansi kwetandla temceceshi Abdeslam Ouaddou kulelicembu le-Amabhakabhaka.

Kutfutsa kwakhe kuStellies kungenca yekutsi ufuna kutfola sikhatsi sekudlala njalo ngaphansi kwemceceshi longucwepheshe Gavin Hunt. 

Lesinyatselo lesi,  sitsatfwa njengelisito kakhulu kuStellenbosch lesingakacini kahle kule sizini.

“I-Orlando Pirates ingacinisekisa umnyakato wemgadli Tshegofatso Mabasa loya kuStellenbosch FC,” sifundzeka ngalendlela sitatimende salelicembu lePirates.

“Lomgadli loneminyaka lengu-29 ngebudzala utfutsela ecenjini leStellies ngekubolekiswa kuze kuphele le sizini.”

Mabasa kubikwa ukutsi uhlanganise  tinyanga letisitfupha tokugcina tekontilaki yakhe kule-Orlando Pirates.

Ungumdlali wesine ukushiya emaBhakabhaka kule windi lasemkhatsini walesizini lekugiyelana badlali.

Letincwethi tase Soweto mtitsengisele iChippa United  Sinoxolo Kwayiba, Mbekezeli Mbookazi kuChicago Fire kanye naMonnapule Saleng kule Mamelodi Sundowns. 

Kantsi nje,  leli cembu lisayinise badlali labatsatfu labatovala letikhala nokucinisa lelicembu njengoba sekujakwe emaphetselweni ekugcina alesizini.

Balandze Andre de Jong kuStellies, naDaniel Msendami kanye naMpho Chabatsane beMarumo Gallants.

I-Orlando Pirates –kunginyalo nje beseyivele itincobele tindzebe letimbili kule sizini – futsi ngiyo lengumhlahlandlela kulogi ye-Betway Premiership.