Makhaula utsi akahengi mabhudze angakancobi indzebe yeligi

Makhehlene Makhaula longumdlali wesisu welicembu leOrlando Pirates utsi kushiya tintsambo phanis akusiyo intfo lekangacoca ngayo nje kakhulu nyalo.

Makhaula ubike kwekutsi angeke atsatse umhlala phansi angakancobi indzebe yesicoco saleligi yeBetway Premiership.

Loweminyaka le-36 ngebudzala utsi indzebe yeBetway Premiership ngiyo nje leshodako ebholeni lakhe letinyawo.

Ngiwo umphumela lekawufisako ngembi kwekutsi ahenge bahundze akhe, atsatse umhlala phansi kuloluhambo.

Luhambo lwalomdlali alumange lube lula, wagijima ku-Free State Stars naku Hilands Park ngembi kwekutsi atakhele ligama kuAmaZulu.

Kuphokophela kwakhe kanye nekutimisela kwakhe kwamenta watfola litfuba lekusayinwa licembu letingcalamba tase Soweto emkhatsini kwesizini ya-2022/2023.

Kubaluleka kwakhe kwadvwetjelwa ngesikhatsi atfola umklomelo wekuba ngumdlali wesisu wesizini ya-2024/25.

“Kungaba kufezeka kweliphupho lami lelise nhlitiyeni yami.

“Uya tukwemacembu lamanye adlalela kubakhona, kodvwa macembu lamakhulu kufana naleli kudlalelwa tindzebe kuphela,” kubike Makhaula longumdlali weSisu kulelicembu leOrlando Pirates.