Lokubange iChiefs yabhentja Cross na-Ndlovu, bashatjwa Siwelele 2:0

Cedric Kaze longumcece welicembu le-Kaizer Chiefs, uchaza kabanti ngesincomo sekubhentja Brandley Cross kanye na-Siphesihle Ndlovu, badliwa Siwelele nga2-0.

I-Kaizer Chiefs bayincamulise lendlela yabo lebeyiyinhle yekudlala imidlalo lesikhombisa bangadliwa, bancamuliswa licembu le-Siwelele FC.

I-Chiefs yente tingucuko letimbili kulomdlalo wabo we-Betway Premiership, bafake Paseka Mako esikhundleni sa-Brandley Cross, babese bafaka Thabo Cele esikhundleni na-Siphesihle Ndlovu.

Labadlali lababili babe nemdlalo lomuhle we-Soweto dabhi, babamba i-Orlando Pirates nga-1-1 eFNB Stadium.

Lomceceshi ubale indzaba yekutsi, babone kusikhatsi lesikahle sekutsi baphumute Brandley Cross njengobe adlale imidlalo leminyenti kulandzelana.

“Kube tingucuko nje letimbili Cross kanye na-Ndlovu. Ndlovu unemalanga lamabili angajimi ngenca yekungativa kahle, kodvwa litsimba letfu letempilo liyamcwaninga, batasinika imphumela namuhla ebusuku,” kusho Kaze.

“Cross yena udlale imidlalo leminyenti kulandzelana, ngako ke, sibone kusikhatsi lesihle kutsi sente tingcuko letimbili.

“Ngemuva kwalomdlalo uyatibuta njengemceceshi, kutsi ingabe bekufuneka tingcuko letinyenti temilente lemisha kanye netingcondvo, kodvwa ke ibhola, injalo vele.”

I-Chiefs itawubambana leMamelodi Sundowns lenyanga letako, mhlaka-6 INkhwenkhweti 2026.

By:Nkosinathi