Ouaddou utsi kuhleleka kwelitafula le-Ligi kuyamtfokotisa

Umceceshi we-Orlando Pirates Abdeslam Ouaddou, uveta lokumjabulisa ngalomjaho wemcitiswano we-Betway Premiership

Kusukela ngemuva kweminyaka lelishumi kufike kulomnyaka, emaBrazilians aloku ayatitika ngalendzebe ye-Betway Premiership.

Nalomnyaka babatimisele ngekuphindza inhlala yenteka kodvwa iPirates ayibabeki phansi, ibambane nabo ncamashi!

ISundowns itsatse indzebe yeBetway Premiership mahlandla la-8 kulandzelana.

Kodvwa lomnyaka iPirates ngatsi ifuna kucedza lomcimbi wabo, nanoma nje iSundowns nayo ibukeka ifuna kuchubeka inyuse.

Ouaddou utsi lendlela kungakhona kulomcitiswsno kuyamtfokotisa kakhulu, kukhombisa kutfutfuka nebunandzi bebhola lase Ningizimu Afrika.

I-Pirates ibhule iPolokwane City 2-1, neSundowns nayo yancoba 2-1 kuGoleden Arrows.

LOKUMTFOKOTISA NGALELITAFULA LELIGI..

“Yebo, uyabona kutsi nyalo kunebunandzi bebhola letinyawo kulomncitiswano,” kusho lomceceshi.

“Kuhle kulomdlalo webhola letinyawo, kuhle kuPSL, kuhle futsi nakubalandzeli.

“Umangabe licembu lihola iligi ngemaphuzu la-15 emkhatsini kwesizini, yini lengakujabulisa kutsi uchubeke ubukele?

“Ngicabanga kwekutsi ngiko loku lokufunwa balandzeli.

“Futsi umangabe lamacembu lamakhulu agijimisana kulomncitiswano kwenta leligi ibemnandzi kakhulu,” kungetele Ouaddou.

By:Nkosinathi