Lokwente Harry Maguire wasayina iKontilaki lenye ne-Man Untd…..

Lomdlali wasemuva welicembu le-Manchester United Harry Maguire, uphindze wasayina ikontilaki lenye ngemuva kwekutsi anyuse masokisi ngephansi kwetandla temceceshi Michael Carrick.

I-Man United ikubeke kwacaca kwekutsi Maguire ucedze nekusayina liphepha lekontilaki lensha nalelicembu. Maguire besekafinyelele esikhatsini sakhe sekutsi akhululwe, kodvwa ngemuva kwekutsi atimisela kulemidlalo yekugcina kumfake etintfweni.

Ngako-ke, loweminyaka leyi-33 ngebudzala logijima nalapha kulelicembu lesive lase-Ngilandi, iMan United itsatse sincumo sekumnika litfuba lekusayina ikontilaki lenye kuze kuyofika 2027-Inhlaba, ngephansi kwemceceshi Michael Carrick.

“Ngijabule kakhulu kusayina ikontilaki lenye futsi nalelicembu lelimangalisako emasizini lasiphohlongo, kutsi ngikhone kuchubeka ngijabulise labalandzeli betfu labahle, sicitse sikhatsi siphindze sakhe sikhatsi sekutijabulisa.

“Uyakuva kubaluleka nebunandzi bekuba nalelicembu lelijabulisako. Tinhlelo talelicembu kutsi sincobe tindzebe letinyenti kantsi nawonkhe umuntfu uyakubona loko, kantsi futsi ngisho ngekutitsemba kutsi sikhatsi setfu siyachubeka phambibkwetfu.”

By:Nkosinathi