Lucas Riebeiro sewuphendvuke imali, ufunwa ngala nangala

Lomcudzelwano wekubangisana ngalomdlali uyangekuya uyakhula, njengobe ikontilaki yakhe iyangasekupheleni kulelicembu le-Cultural Y Deportiva.

Emacembu lamanyenti afuna kusayina lomdlali, njengobe ikontilaki b yakhe iphela ngalenyanga yee-INhlaba 2026.

Kubikwe kutsi uyafunwa eEurope, e-North Afrika, kanye nemacembu ase-Ningizimu Afrika nawo kutsiwa ayamfuna lomdlali.

Licembu lelihamba phambili kulomjaho wekufuna lomdlali licembu lase-Spain, iCD Castello.

Kutsiwa lelicembu litimisele ngekutfola lomdlali, njengobe lifuna kucinisa phambili lilungele isizini letako.Lelicmbu kutsiwa limtsandzela kutsi uyakhona kudlala nombolo-10, kanye nekuba ngumgadli loyingoti kakhulu lephambili.

Kodvwa naleligijima ku-Laliga, iRCD Mallorca nalo libuke lomgadli ngemehlo labovu, kantsi kudlala kuleligi lekhulu (Laliga) kungaba nemtselela lomkhulu kulesincumo sakhe.

Kufunwa kwakhe akupheleli e-Spain, ngoba kunemacembu lamanye ase-Afrika lafuna lomdlali, i-Esperance da Tunisia, iRaja Casablanca, iWaydad Atletic Club, kanye ne-Al Ittihad Tripoli, kubikwe kutsi lamacembu afuna lomdlali.

Leli le-Al Ittihad Tripoli lona linelitfuba lelukhulu, njengobe ake waba ngephansi kwemceceshi Rulani Mokwena namuhla lekangumceceshi walelicembu.

By:Nkosinathi