Mavi emceceshi we-Chiefs, Lilepo atfola likhadi lelibovu bashaya i-AmaZulu

Lodlali waphambili weliphiko we-Kaizer Chiefs , Glody Lilepo utfole likhadi lelibovu ngemuva kwekutsi ashaye ligoli bashaya i-AmaZulu 1-0, eMoses Mabida Stadium.

Lilepo ushaye ligoli umdlalo uyangasemaphetselweni, wakhumula lijezi lakhe ekubeni bekanelikhadi leliphuti lebekalitfolile.

Nompempe akamange aphutise maseko, wavele wamtsela lesibili, wakhipha nalelibovu, wamkhiphela ngaphandle.

Cedric Kaze uphawule ngalesigameko kanye nesimo salomdlli. Uvikele lomdlali, watsi ibhadi lena.

“Lesimo lesi, kube ibhadi kulomdlali. Kulesinye sikhatsi uyavisisa kutimisela, kanye nekukhululeka kwemdlali ngemuva kwekutsi ashaye ligoli,” kusho Kaze.

“Kufanele sicaphele, bekabhaliwe phansi ekucaleni. Ushaya ligoli ujabula kakhulu, ukhumula nelijezi,” ukhulume ku-Super-Sport TV.

“Lokusho kutsi, kulomdlalo wekugcina angeke sibe naye. Kusasa kufanele ucaphele ngetintfo letifana naleti.”

By:Nkosinathi