Mofokeng akanankinga neligoli – utfokotele miphumela kuphela

Lesihlabane lesincane sePirates Mofokeng,  ubukeka sekabuyile efomini yakhe njengoba abonakala adlala kakhle kakhulu ngekutimisela.

Rele Mofokeng nguye loshaye lamagoli lamabili ngalesikhatsi iPirates ishaya AmaZulu FC nga 2-0 emdlalweni weBetway Premiership lobewudlalwa eMoses Mabhida Stadium.

Lomphumela unyusele iPirates esicongweni seligi kantsi nyalo seyishiya iMamelodi Sundowns ngemaphuzu lamatsatfu.

Nanoma nje isase yindze lendlela, njengoba kusasele imidlalo kengu-15 lekusafanele idlalwe kuligi.

Relebohile Mofokeng uphindze watfola umklomelo wekuba Iman of the match midlalo lemibili kulandzelana, kufaka ekhatsi lomdlalo lapho bashaye khona iMagesi FC nga 2-0.

Ubutwe ngaleligoli lakhe lesibili. Bekadvonse umtiya kodvwa yayoshaya lipali , yase ibuya ishaya nozinti welicembu le-AmaZulu yangena phakatsi enethini.

“Ligoli lelidle ekhaya njani? Ngimi nje lengikhahlele lebhola. Kodvwa ke akunandzaba, njengoba nje sititfolele ligoli kulungile,” kusho lesihlabane lesincane lesibe lichawo lalomdlalo Mofokeng.

Kuleligoli lekucala, Mofokeng ushaye ngenhloko  – Kwekucala ngca Rele ashaya ligoli ngenhloko.