Ncikazi ukhulume ngebudlelwana belicembu le-thekinikhi
Mandla Ncikazi ugcine akhulume kabanti ngaloko balandzeli belicembu le-Orlando Pirates bebaloku bakhuluma ngako.
Kntsi yebo, bachaza intfo tsite. Ncikazi lekabanaso sekubambisana nemceceshi Abdeslam Ouaddou akusimdlalo.
Baliphawu lekutsembana, kubambisana nebudlelwano bebhola letinyawo lobungekho lula kubutfola emkhatsini kwebasebenti labahloniphanako.
Ncikazi wasala waba lisekela mceceshi ngemuva kwekutsi Jose Riveiro ahambe, kantsi futsi Ouaddou ukhetse kusebentisana naye eskhundleni sekutsi aletse balekeleli bakhe.
Lona kube mnyakato lomkhulu wekuhamba, kantsi futsi lokungakavami. Kodvwa kukhombakalise kuba lisu lelisetulu.
Lokukusebentisana kwabo bobabili kuyasebenta. Licembu le-Orlando Pirates selicedze nekuvikela indzebe ye-MTN8 yayo futsi.
Nyalo basalele sinyatselo sinye sekutsi bayocukula indzebe ye-Carling ye-Knockout kwekucala ngca- badlala umdlalo wabo wekugcina-ngci ngomhlaka-06 INgongoni.
Ukhulume tukwemcimbi walelicembu we-World Diabetes Day, Ncikazi uhluleke kutibamba ngekuncoma lowase-Morocco.
“Ungumuntfu lokahle kakhulu,” kukhulume Ncikazi. “Uyavisisa kutsi ungumhlobo wase-Afrika. Uyabahloipha batfu base-Afrika.”
Ncikazi uvete ifilosofi ya-Ouaddou: usebentisa buciko lobungekhatsi kulelicembu. Abasibaningi baceceshi lebangenta loko.
“Bancane baceceshi lebangatsemba ngalendlela,” kukhulume Ncikazi. Labanyenti basaba kugwaziwa ngemuva. Muntfu Lungile nalonesibindzi longenta loko.”
Ncikazi uphawule ngalendzaba yekucabuza bantfu tinhloko letivakale etinkhundleni tekuchumana.
Utse yena, “Angimane ngicabuze nomangabe ngubani. Ngicabuza kuphela bantfu lengisondzelane nabo.” Kuncikazi liphawu lekukhombisa kubamunye nemiphumela.
“Leli licembu lemoya,” asho angetela. “Kubamunye kwetfu ngiko lokuletsa miphumela. Ngifisa ngatsi kungacubeka.”
I-Orlando Pirates itawubukana nemidlalo lenebumatima kuze kuyofika inyanga Ye-INgongoni welikhefu le-Afcon (Afcon Break).
Batawubukana ne-Chippa United mhlaka-25 Lweti, Durban City mhlaka-29 Lweti, kanye ne-Richards Bay ngomhlaka-2 INgongoni.
Besekuba mdlalo lomkhulu we-Carling Knockout Final lapho bayobukana nelicembu la-Ouadou lakadzeni i-Marumo Gallants.
