Hugo Broos uvumbula inkinga lenkulu lebukane ne-Bafana Bafana

Lomceceshi weskwadi wase-Ningizimu Afrika Hugo Broos,  uvumbule inkinga lebukane nalelicembu lakhe.

Loku, ukukhulume ngemuva kwalomdlalo we-Bafana Bafana ne-Nicaragua badalala kulingana e-Orlando, ngoLwesihlanu.

Lomdlalo bewuwemalungiselelelo eFIFA World Cup,  njengobe iBafana Bafana iyodlalala umdlalo wekucala ne-Mexico, ngomhlaka 11-Inhlaba 2026.

Broos uvumile kutsi lelicembu lakhe lidlala kahle kakhulu kodvwa inkinga lekhulu leloku ibahlupha indlala yemagoli.

Lelicembu alishayi emagoli. Kodvwa utsi Broos akusiyo inkinga, ngoba sebavele basetulukwayo nyalo, lokusho kutsi itawulungiswa madvute.

“Yebo, lena ngiyo inkinga lesibukene nayo, kantsi futsi sekusikhatsi lesidze sibukene nayo, kushaya yemagoli,” kusho Broos.

“Nanamuhla (Lwesihlanu) sibe nematfuba lambadleana. Ngicabangu kutsi kube ngilesa skhatsi saletinyqngq letisitfupha letindlulile kube sishye emagoli.

“Kodvwa akusiyo intfo yekutikhatsata ngayo, ngobe sitayilungisa ngekuphutfuma.  Sinabo badlali labakhona kushaya
emagoli.

“Sina Lyler (Foster),Sina Iqraam (Rayners), kanhe  na-Evidence (Makgopa). Sinabo labanye futsi labanyenti.

“Bakhona nabo Tshepang Moremi, nabo bayakhona kushaya emagoli. Kantsi nje, sisalelqe malanga lalishumi nakunye kutsi silungise.

By:Nkosinathi