Rele Mofokeng uveta ‘imfihlo’ yePirates ingcwaba iGalaxy
Relebohile Mofokeng ushaye emagoli lamatsatfu pheceleti ihatrick iBucks ibhubhisa licembu leTS Galaxy phakatsi eMbombela Stadium kumdlalo wabo we-Betway Premiership.
IPirates imangatile ishaya leli cembu laseMpumalanga nga 6-0 emdlalweni weBetway Premiership ngeLiSontfo ntsambama.
Rele Mofokeng ushaye lamatsatfu kulamagoli e-Orlando Pirates, futsi waklomelwa njenge njenge-Man of the Match.
Lanye emagoli ashaywe ngu Kamogelo Sebelebele, Tsepang Moremi nalelibe umkhonto logwaze ekhaya la-Mlungisi Mbunjana.
Akhuluma ngemuva kwalomdlalo, uvete ukutsi lamagoli abe ngumphumela wemsebenti labawente ejimini.
Utse bebanemfutfo kakhulu ekuphuculeni kushaya kwabo emapalini kulandzela kuphutselwa kwabo ematfuba lamaningi emdlalweni lodlulile.
IPirates yabambane nga 1-1 neSiwelele FC emdlalweni la beyingawina ngencwaba yamagoli.
“Ngitawucala ngekubonga bozakwetfu, sisebente kanzima, futsi lokuncoba bekusifanele,” kusho lo mdlali.
“Besisebenza isonto lonke silungiselela lo mdlalo. Akubanga lula ukunqoba lo mdlalo kodwa sijabulela amaphuzu amathathu bese sibheka phambili.”
Aphawula ngekushaya emagoli lamatsatfu emdlalweni lowodvwa, Mofokeng utse umiva lekhetsekile.
“Lona miva lekhetseke kakhulu… Sekukudzala ngingawashayi emagoli,” kusho Mofokeng.
“Sekunesikhatsi ngingadlali ngalendlela futsi ngicabanga kutsi loku kutoyenta tibalo tami tibe tinhle.
“Kutawunginyusela nekutetsemba futsi ngitochubeka nekutikhandla, ngeke ngiyekelele.”
Ubse waveta kutsi bakhelela incwaba yemagoli nje kungoba abafuni lokubavelele ngempelasontfo ledlulile kubaphindze.
“Besitilolonga kakhulu ekushayeni emagoli… Sizama kutinika sibindzi sekungatatateli phambi kwelipali.
“Besifuna kungasiphindzi lokwangemdlalo lodlulile. Basisitile njengebadlali labahlaselako,” kuchubeka yena.
“Ngicabanga kutsi kubonakalile ngemsebenti lowenteke kulomdlalo njengoba sikhonile kusebentisa ematfuba etfu”
Ubese wayivala ngemlayeto locondze ngco kubalandzeli labasale banekungabata ngemuva kwemdlalo lodlulile.
By:Nkosinathi
