Gavin Hunt usola Mbokazi ngekulimata Kamatuka

Umceceshi welicembu le-Dueban City, Gavin Hunt ubike kukhala ngaMbekezeli Mbokazi ngekungadlalisi kahle umdlali we-City.

Lesigameko senteke ngalesikhatsi licembu le-Orlando Pirates lincoba iDurban City 2-0, eMoses Mabida Stadium ngoMgcibelo.

Mbokazi ukhahlele ibhola atsi uyayicosha ngemandla, kodvwa yashaya ebusweni ba-Joslin Kamatuka kabuhlungu.

Kube sigameko lesikhulu lesibange kutsi lomdlali aphume, watsatfwa nge Ambulance.

Lomdlali waseveni lase-Namibia ushayeke kabi ebusweni waculeka. Kungako atsatfwe nge Ambulance.

Gavin Hunt uphawule shangatsi usola Mbokazi ngalesehlakalo lesentekile.

“Angikeva lutfo kunginyalo. Ushayeke ebusweni. Mine ngibone sublimation nje,” uphendvule ngalendlela nakabutwa.

Licembu leDurban City FC likhiphe sitatimende sekutsi lomdlali Joslin Kamatuka use simeni lesinco kunakucala.

“I-Durban City FC ijabule kakhulu kutsi lomdlali uyalulama ngemuva so kwalesehlakalo lesikhulu lesimehlele kulomdlalo wabo nePirates.

“Ngemuva kwekutfola lusito ngekuphutfuma lekwetekulashwa, Kamatuka ubese waphutfunyiswa esibhedlela lesidvutane kutsi ayohlolisiswa,” kusho licembu le-City tukwe mbiko.