Ndlovu, na Ouaddou batfole imiklomelo yabo yekucala

Sihlabane se-Golden Arrows Siyanda Ndlovu nemceceshi we-Orlando Piraes Abdeslam Ouaddou batfole imiklomelo yabo ye-Betway Premiership yenyanag ye-Inyoni ne-Imphala.

Loku kuveta kuphulwa kwelilekhodi lekutsi umdlali munye atfole imiklomelo lemibili ngesikhatsi sinye, abe ngumdlali lomunye wenyanga aphindze ashaye ligoli lelihle lenyanga eNingizimu Afrika.

Labancomi/labatfole mktlomelo bakhetfwe tintsatseli nebemahlelo lebatimele be-PSL .

Ouaddou uvete kufaka umfutfo, utfole umklomelo wekuba ngumceceshi wenyanga, wakhona kuhola licembu le-Orlando Pirates kumidlalo lemitsatfu lekayincobile bangavuleli nalinye ligoli.

Kucinisa kwakhe ehlangotsini lasembili ngekugadla, nasemuva kucinisa kwakhe emuva akhone kufaka badlali lebatovimba kungangeni lutfo/bavikele lelicembu, kwente le-Pirates lacina laba sezingeni lelisetulu.

Siyanda Ndlovu yena utfole imiklomelo lemibili, kutimisela kwakhe nekutikhandla kumente waphumelela kutfola umklomelo wekuba ngumdlali lomuhle wenyanga, nekushaya ligoli lelihle lenyanga.

Loweminyaka le-23 ngebudzala lodlala sisu/emkhatsini, ube sikhiya lesihle kulelicembu le-Golden Arrows washaya emagoli la-3 kumidlalo le-5, wasita (assist) ka-3.

Ligoli lakhe lelihlobile lekalishaye ku-Stellenbosch FC, lapho khona adrebule ngetitayela, waphumelela kushaya ligoli, livoteliwe kutsi ligolo lalenyanga.

Uhlule ligoli la-Jaisen Clifford we-Marumo Gallants kanye na Thabang Mathuludi lowashaya ligoli ekugcineni awinisa le-Polokwane City.

Umdlali wenyanga: Siyanda Ndlovu (Golden Arrows)

Umceceshi wenyanga: Abdeslam Ouaddou (Orlando Pirates.

Ligoli lenyanga: Siyanda Ndlovu (Golden Arrows)