PATRICK MAYO UPHAWULA NGA KHANYISA MAYO

Mdlali we-Kaizer Chiefs wakudzala Patrick Mayo uvete lakukhulume tukwendvodzana yakhe Mayo.

Ngemuva kwekutsi atfole tindzaba tekutsi ujoyine licembu le-Kaizer Chiefs ngembi kwekutsi kuvale imakethe yekutsenga badlali.

Loweminyaka le-27 ngebudzala, ujoyine licembu le-Chiefs lenyanga lephelile abuya eveni lase-Algeria kulicembu le-CR Belouizdad.

Kwanyalo udlalile umdlalo wakhe wekucala washaya neligoli laphe bebadlala khona ne-Marumo Gallants.

Mayo lomdzala ukhulume nebe-iDiski Times, waveta kujabulela indvodzana yakhe kutsi itfole litfuba lekugcoba lijezi lelimnyama nembala wegolide.

Nekutsi umtjele njani kutsi agcine tinyawo takhe phansi nekutsi atsatse tintfo njengemuntfu losezingeni lelisetulu njengobe kucala kutfutfuka lizinga lekushisa.

“Bengijabule kakhulu ngalesikhatsi angitjela kwekutsi iChiefs ichumane naye,” Mayo lomdzala utjele be-iDiski Times.

“Kodvwa ngiphindze ngamtjela: lana kulapho kushisa kwandza khona.

“Ku Chiefs, angeke ungcebeleke/uphumule. Sikhatsi sonkhe sekutilolonga, imidlalo yonkhe, kwamele utivete kutsi ungubani.

“Kungako nje kwamele atehlise ashayele phansi, ngimtjelile kutsi kwamele atehlise asebente kamatima, ngoba kushisa tukwe-Kaizer Chiefs kuhlala kukhona.

“Nongabe kukuphi lapho ukhona, kwamele wati kwekutsi uyotakha ube ngumdlali losezingeni llisetulu..

“I-Chiefs ayifuni muntfu lonenhlitiyo lencane, kushisa/kushiselwa akupheli, nanoma ungekho enkhundleni, uyakuva.

“Kungako ngihlala ngimtjela Khanyisa kutsi kutiphatsa kahle kutawenta mehluko.”