Riveiro ukhuluma ngalokwenta Mbokazi atsandzeke
Riveiro utsi Mbokazi ungumdlali losezingeni lelisetulu futsi unelikusasa lelihle ebholeleni letinyawo lelingayisa khashane.
Lomceceshi wlicembu le-Orlando Pirates wakucala Jose Riveiro utsi Mbekezeli Mbokazi uphelele ngakokonkhe kantsi futsi unelitfuba lekuba ngumdlali lodume mhlaba wonkhe.
Riveiro nguye lowakhuphula Mbokazi wamfaka kulelicembu lelikhulu le-Orlando Pirates amsusa kulelincane.
Utsi bekahlala atsemba kutsi lomdlali unelikusasa lelihle lelimlandzelako, lukusasa lakhe futsi libonakala lilihle lichakatile.
nyalo kuleliviki, akhuluma tukwenkhulumo yasemsakatweni, Riveiro utsi Mbokokazi, unebuntfu, unetitayela, nenkhani yekudlala tukwemacembu lasetulu.
“Unebuntfu,” kubike Riveiro lobuyile kulelase-Ningizimu Afrika njengesivakashi se-Carling Black Label kulomdlalo lotawudlala we-Carling Knockout Final.
“Ebholeni letinyawo akusiko mayelana netitayela takho kuphela , kodvwa kwamele ubenendlela yekutiveta natukwesimo lesibucayi.
“Kwamele uvete letitayela takho, nasenkhundleni lapho kugcwele khona, lapho wonkhe umutfu abe abuke wena.
“Mbekezeli Mbokazi ungulenhlobo yebuntfu. Unakokonkhe lokumenta abe sihlabane siphellele, kantsi futsi nengcondvo yakhe igcwele libholaletinyawo.
“Kantsi futsi unelukhono lekuveta titayela takhe phakatsi enkhundleni, ukhona kutiveta ngesibindzi phambili kwebabukeli labanyenti.
Mbekezeli Mbokazi lungumdlali lotitsemba kakhulu losasemncane, futsi lokhona kuhola lelicembu le-Orlando Pirates njenga kapteni.
