Satiso ngebadlali labalimele beChiefs njengobe kuyiwa kuDerby
Umceceshi weKaizer Chiefs Cedric Kaze, ukhiphe satiso mayelana nebadlali labalimele njengobe bayocudzelana nePirates eFNB Stadium ngeMgcibelo.
Baceceshi be-Amakhosi bangephansi kwekucindzeteleka njengobe bahluleke kuncoba midlalo lemine kulandzelana.
Bakhishwe ku-Nedbank Cup, bakhishwa kuCaf Confederation Cup, babuya badliwa ku-Betway Premiership licembu leStellies.
Amakhosi asemuva ngemaphuzu la-8 njengobe iSundowns kanye nePirates basetulu ngemaphuzu la-38, iChiefs ina-30 ilandzela iSekhukhune United.
ISundowns nePirates badzinga kuncoba kulemidlalo yangemgcibelo kute bakhone kucacisa kutsi ngubani lohola lelitafula akhululekile.
UMBIKO WA-CEDRIC KAZE NGEBADLALI…
Umceceshi Cedric Kaze, ubike kwekutsi Inacio Miguel utawube akhona kodvwa udzinga kucala ahlolisiswe kahle.
Sibongiseni Mthethwa utawube akhona kodvwa akasengakalulami 100%.
Bese kutsi Etiosa Ighodaro yena usengakapholi kanye na Dortley lesingakamboni kulesizini adlala.
“Kukuciniso vele kwekutsi, Inacio Miguel uphutselwe midlalo lembadlwana ngenca yekutsintseka.
“Kantsi bekatilolonga nalelicembu madvute, kutawudzingeka kwekutsi ahlolisiswe kahle sikhone kubona kutsi ukulungele kudlala kusasa.
“OX, yena bekatilolonga nalelicembu malanga cishe lafika kulasihlanu kantsi angalisita lelicembu, neti akalulami ngalokuphele 100%.
“Ighodaro yena vele akekho kwasanhlobo, kusukela walimala akakjoyini lelitsimba.
“Thabo Cele yena ukhona ubuyile, bese kutsi George Matlou yena akekho,” kubike umceceshi Kaze.
By:Nkosinathi
