Sicakacaka ku-Chiefs bashiya Lilepo balibangise e-Spain

Ngesikhatsi i-Kaizer Chiefs isuka iya enkambu yayo yekulungiselela isizini lensha eSpain, sekuvele kutsi Glody Lilepo usale.

Kubikwa kutsi lomdlali waphambili lohlaselako wase-Democratic Republic of Congo akakahambi kanye nelicembu leliye eSpain.

Ngekwembiko we-Soccer Laduma, Lolipop usale ngenca yetizatfu takhe sicu ngemuva kwekubuya eKinshasa, eDR Congo.

Umtfombo losondzelene ne-Kaizer Chiefs uvete kutsi Glody akakahambi kanye nelicembu ngesikhatsi lisuka liya eSpain.

“Lilepo akakahambi kanye nelicembu. Bekase-Kinshasa eCongo, ngako akakahambi nalabanye. Nyalo usesekhona eNingizimu Afrika,” kusho umthombo.

Amakhosi atawuhlala tinsuku letiyimfica e-Spain lapho atawudlala khona imidlalo yebungani nemacembu ase-Yurophu kanye nalawo aseSaudi Arabia.

FUNDZA NALANA: Seliphindze lakhala lizembe lePirates, seligadle kunozinti

Loku kuyingcenye yemalungiselelo esizini lensha ngaphansi kwemceceshi lomusha, Fernando Da Cruz.
Ngemuva kwaloko, iChiefs itawubuyela eNingizimu Afrika ichubeke nemalungiselelo ayo ngaphambi kwemdlalo weToyota Cup.

Amakhosi atawubhekana nelicembu lase-Zimbabwe, i-Scottland FC, eRoyal Bafokeng Sports Palace mhlaka 26 Kholwane.

Akukacaci nyalo kutsi Glody utawubajoyina nini labanye bakhe eSpain noma utawulindza baze babuyele eNingizimu Afrika.

Story by Nkosinathi