Sikhosana utsi, Mbokazi utawuhlala sikhashana e-US

Umdlali wemlandvo welicembu-Orlando Pirates futsi longummeli wenkhampani ye-Hollywoodbets Jerry sikhosana.

Uvete kutsi kungani Mbokazi atawucitsa sikhatsi lesincane kule- US Major League.

Ubona lokuya kwakhe e-US njengelichinga lekutsi avulekelwe tindlela tekuyodlala emaveni ase-Europe.

Sikhosana utsi leligi ye-LMS nalendzawo ivumela badlali labancane kutsi batfutfuke eceleni kwetihlabane letinelwati, kucala lihlelo lekuyo dlala emaveni lanemncitiswano losetulu.

“Indlela yekutsi Mbokazi aye Europe indlula eMLS,” kubike Sikhosana.

“Loku kutomniketa litfuba lekutsi atfutfuke ngendlela lefanele letamenta alunge ngalokuphelele.”

Mbekezeli Mbokazi utinikelile ngekuhlela likusasa lakhe wasayina ikontilaki yeminyaka lesihlanu nelicembu leChicago Fire  lase- America.

Lomdlali wasemuva ubayincenye yebadlali base-Ningizimu Afrika, labasandza kutsengwa mave aphesheya kwelwandle lenyanga.

Umdlali welicembu wakucala le-Orlando Pirates weliphiko, Mohao Nkota naye usandza kusayinwa licembu le- Al Etifaq lelidlali ku- Saudi Pro-League.

Mdlali wasemuva lomncane Taylon Smith naye usandza kusayinwa licembu laphesheya kwelwandle i-Qeens Park Rangers ku- English’s Championship.

Ngalesosikhatsi, Ime Okon uyachubeka ngeluhambo lwakhe lwase-Europe eveni lase-Germany nelicembu le-Hannover.