‘Gone kanjalo nje’ David Titus ujoyina Mabasa e-Morocco

Devin Titus sewucedzile kutfutsa  ngalokuphelele ku-Maghreb Association Sportive de Fès, licembu lelikhulu lelibusa eMorocco.

Lelicembu likhiphe imali lebhalwe kukontilaki yemgadli loneminyaka lengu-25, lobekadlala ku-Stellenbosch FC.

Titus ushiya iStellenbosch angumdlali  losekadlale imidlalo leminyenti kakhulu kulelicembu. Udlale imidlalo le-176 kuyo yonkhe imincintiswano, washaya emagoli la-36.

Ngu-Sage Stephens, longunozinti kanye nekuba ngukapteni, kuphela lodlale imidlalo leminyenti kunaTitus kulelicembu.

Titus wakhulela eluhlelweni lwekutfutfukisa badlali eStellenbosch. Nga-2022, wahola licembu le-reserve laba tihlabani te-DStv Diski Challenge kanye ne-Premier League Next Gen.

Ngemuva kwaloko, waba ngumdlali lobalulekile ecenjini lekucala leStellenbosch.

Waphindze wasita iStellenbosch kutsi iwine i-Carling Knockout nga-2023, lapho abuye wakhetfwa khona njengeMdlali lobemuhle kakhulukulomncitiswano.

Titus waphindze wadlala wemancamu eMTN8 iminyaka lemibili kulandzelana, nga-2024 nanga-2025.

FUNDZA NALANA: I-City ikabhe licembu laphesheya lelitifela nga-Witbooi

Kutfutsela kwakhe eMorocco kutamenta aphindze ahlangane naTshegofatso Mabasa. Labadlali lababili bacitse tinyanga letisitfupha tekugcina tesizini leyengcile bakanye ku-Stellenbosch FC.

Mabasa wacala ngekujoyina iStellenbosch ngekubolekwa  aphuma ku-Orlando Pirates. Naye sewucedze kutfutsela kwakhe ngalokuphelele ku-MAS Fès.

Story by Nkosinathi Masinga