TIGCINE TIBHOBOKILE TINDZABA TA-SALENG NE-PIRATES
I-agent ya Monnapule Saleng ukhiphe tindzaba ta-Saleng ne-Orlando Pirates, lomdlali weliphiko (winger) kutsiwa inkinga beyingekho tukwemali nekuvinjwa ekuchumaneni ne-Al Ahly.
Ngemuva kwetinyanga kubindziwe, Karabo Tshabuse ekugcineni ubhobokile kutsi yini lebeyibanga bumatima kuletinyanga letisiphohlongo kulomdlali lasebentisana naye, ngalesikhatsi tindzaba tivilita ngekunyamalala kwakhe emidlaweni ye-Orlando Pirates ngembi kwekutsi bambolekise.
Saleng kusukela ajoyine lelicembu le-Orbit College ku-Betway Premiership ekucaleni kwale sizini, sivumelwano seluhambo lesi Tshabuse acabanga kutsi singasita loweminyaka le-27 ngebudzala kutsi atfole litfuba lekutfutfukisa imphilo yakhe ebholeni .
“Saleng ngekwengcondvo nangekwenyama bekangekho esimeni lesikahle kutsi bekangadlala lesizini lephelile, mine njenge agent yakhe, msebenti wami kuitsi nginakekele lomdlali, futsi akusilo ligalelo lami kutsi mine ngiye ku-midiya noma enkhundleni nginike bantfu tinchazelo kutsi kungani angakadlali.
“Tsine kwamele nje sime noma sitfule umangabe singavisisi kutsi kwentakalani, mhlawumbe akumelanga sibulale lomdlali etinkhundleni tekuchumana.”
Tshabuse ngekutitsemba utsi bekuti sivumelwano lesibubuya kulelase Egypt i- Al Ahly.
“Kute kucabana noma kungavisisani lekubekhona emkhatsini walomdlali ne-Orlando Pirates, lelicembu na-Saleng babe nesivumelwano lesisite lomdlali tukwetintfo letinyenti kutsenga tintfo letibalulekile.
“I-Orlando Pirates akumelanga Ibekwe licala ngaloku lokwenteke ku-Saleng, lendzaba ye-Al Ahly bekungamelanga uchutjwe kungatsi ilicinino, ngoba na-Saleng bekete netinhlelo tekuhamba, bekatigcinile kulelicembu, kodvwa kunebumatima tsite bekabukene nabo.”
Tshabuse utsi lesivumelwano sekutsi Saleng aye ku-Orbit College kutsi lomdlali alulame abuyele emandleni akhe njengakucala.
