Tindzaba letimangalisako ngekuhamba kwa-Adams

Umdlali welicembu le-Mamelodi Sundowns lodlala sisu/umkhatsi, uyincenye yemahlangotsi lacinile longeke umane uwabhukule ku-Betway Premiership.

Kantsi nyalo lesihlabane lesiphakeme, Jadan Adams ubukane nekuhlanga-hlangana kwetindlela ngelikusasa lemsebenti wenhola lakhe letinyawo.

Lomdlali lobekwe ezingeni lelisetulu uyabolekiswa khashane nakulelase Chllorkop, kute atfole sikhatsi lesanele sekudlala.

Ngalokushiwo be-Soccer beat, sincumo sekugcina silindzelwe madvute nelikhefu le-Africa Cup of Nations.

Adams uyanconywa kulelicembu le-Sundowns, kodvwa indzawo yakhe igcwele kakhulu kufanele ayilwele kakhulu.

Lelicembu liyaphumelela ngekutfola tindzebe, kodvwalishiya emathalente lasasemancane abukela ebhentjini kunekutsi bakhuliswe enkhundleni.

Umbiko utsi sincumo sa-Adams sekucala kuhlala alwela indzawo yakhe kulelicembu acudzelane -ukhombisa kutetsemba nekuba netinhlelo letinhle, kulomdlali lonelikusasa lelichakatile.

Kodvwa zunguza kwesikhatsi, malanga ahamaba, liciniso ngemphilo libuhlungu.

Sivumelwano se-Loni singaba sisombululo lesihle: Kutfola sikhatsi lesiphelele sekudlala, ubamdlali losikhiya emkhatsini.

Nelitfuba lekukhalipha abuyele ezingeni lakhe futsi, mhlawumbe kungadvosa mehlo elicembu lesive nawe abitwe.

Lelikhefu le-Afcon break- sikhatsi lesivamise kuvulelabadlali labanemachinga minyango- nyalo sekuvele kwaba lifasitero lesincumo ku-Adams.

Umangabe atawuhanjiswa kwesikhashane, kutawuba intfo lenhle umangabe bangamnika licembu lelitawufuna kumcalisa.

Licembu lakhe lakudzala, le-Stellenbosch FC lelitfwele kamatima kulesizini lingamamukela, kantsi futsi angaba sidzingo.