Likusasa la-Allende lifuna kungacaci kahle ku-Sundowns
Umdlali wasesiswini weMamelodi Sundowns, Marcelo Allende, akakacaci kahle ngelikusasa lakhe kulelicembu, ngemuva kwetingcoco tekutsi angahamba kulelihlobo.
Lomdlali loneminyaka lenge-27 wajoyina iSundowns nga-2022, asuka kuMontevideo City Torque, wasayina inkontilaki yeminyaka lesihlanu.
Kuvuka kwaJayden Adams ngesizini leyengcile, kanye nesifiso sa-Allende sekubuyela ekudlaleleni licembu lesive laseChile, kwadala imibuto ngelikusasa lakhe.
Bekukhona nemibiko yekutsi iSundowns beyilungele kulalela ticelo/timvumelwano letivela kulamanye emacembu ngalomdlali.
Kodvwa ngemuva kwekushona kabuhlungu kwa-Adams kanye nekungabi khona ticelo tekusayina lomdlali leticacile, Allende usachubeka neSundowns.
Lomdlali utsi usabambelele emsebentini wakhe futsi ukulungele kutinikela ngako konke wakhe kulelicembu, njengobe angena emnyakeni wekugcina wenkontilaka yakhe.
“Yebo, ngibambelele kukelicembu ngemaphesenti la-100. Lona ngumnyaka wami wekugcina kulelicembu. Angikhulumi nabo bonkhe, kodvwa njengobe ngishilo, ngitimisele kakhulu kuloko lengikwentako,” kusho Allende.
FUNDZA NALANA: ‘Gone kanjalo nje’ David Titus ujoyina Mabasa e-Morocco
Uphindze watsi utawuhlala atinikela ngakokonke kwakhe uma aniketwa litfuba lekudlala, kodvwa nangabe angadlali, utawusekela licembu.
“Nangabe kufanele ngidlale, ngitawuhlala ngitinikela ngemaphesenti la-100. Nangabe ngingadlali, ngitawusekela licembu. Lokubaluleke kakhulu kutsi sihlale sifuna imiphumela lemihle futsi sente lokuhle kulelicembu.”
Kusukela wafika ku-Sundowns, Marcelo sewudlale imidlalo le-177, washaya emagoli la-16 futsi wanika emapasi la-16 kuwo wonkhe imincintiswano.
Story by Nkosinathi Masinga
