UDolly udalule angakwenza kwiChiefs uma enganikwa ithuba lokuqeqesha iqembu
Owayengumdlali weKaizer Chiefs FC, uKeagan Dolly, usephumele obala angakwenza eNaturena uma engase anikwe ithuba lokuqeqesha iqembu.
UDolly oneminyaka engu-31 ubudala ufike eNaturena ekuqaleni kwesizini ka-2021/22 ngaphansi komqeqeshi uStuart Baxter. Ukwazile ukushaya amagoli ayisikhombisa eligi emidlalweni engu-26.
Ngesizini elandelayo ubeqeqeshwa ngumqeqeshi u-Arthur Zwane isizini yonke. Ushaye amagoli amahlanu kuphela ngaphansi komqeqeshi u-Arthur Zwane osekwi-Academy yaMakhosi.
Isizini edlule bekungeyona neze isizini enhle kuDolly. Lo mdlali onamava akasitholanga isikhathi esiningi somdlalo ngenxa yokulimala. Udlale imidlalo eyisikhombisa kuphela yeligi engazange ashaye okungenani igoli elilodwa.
Khonamanjalo, Amakhosi anqume ukuhlukana nalo mdlali ekupheleni kwesizini edlule. Njengamanje uDolly akanalo iqembu kanti uphinde waphuthwa nethuba lokujoyina iSuperSport United FC njengoba iqembu linqume ukusayinisa uVincent Pule.
Lo mdlali uveze ukuthi kuningi angakushintsha kwiKaizer Chiefs FC uma engase anikwe ithuba lokuqeqesha Amakhosi.
“Cishe ngizobabhekela abadlali ngokuzivikela ezinkundleni zokuxhumana ngalokho okushiwo kubona uma izinto zingahambi kahle,” kusho uDolly kwiMarawa Sports Worldwide.
“Ngakho-ke, ngizobenza bazizwe bephephile eqenjini futhi ngengeze ingcindezi. Ngizokwenza isimo lapho abadlali bezwa sengathi basekhaya futhi basebenzisana.
“Qinisekisa ukuthi bakhona ngenxa yezizathu futhi ungabakhumbuzi ngokwenzeka kanye nesikhungo abakuso esikhulu. Ngibona sengathi abadlali abaningi abafika kwiKaizer Chiefs baphuma emaqenjini wabo besezingeni eliphezulu,” engeza.
“Angiboni ukuthi umdlali angaba ngumdlali omubi ngobusuku obubodwa. Ngakho-ke, ngeke ngibacindezele kakhulu abadlali abajoyina ikilabhu. Ngizobenza bajwayelane neqembu nesiko leqembu.”
UDolly uzihlalele kubo manje kwazise akanalo iqembu kwiPremier Soccer League. Uphinde waveza ukuthi uzimisele ngokujoyina noma yiliphi iqembu eNingizimu Afrika njengoba engasenalo iqembu manje.
