Umceceshi weSundowns ucacisa ngesimo saWilliams
Umceceshi weMamelodi Sundowns, Miguel Cardoso, uphawule ngemahlebo lavilitako ngekunyamalala kwa nozinti Ronwen Williams ecenjini lakhe.
Cardoso ucacisa kutsi lonozinti longukaputeni weBafana Bafana akamange alimale kakhulu, futsi angase abuye madvute.
Ronwen Williams bekangekho emidlalweni ledlale muva nje yeSundowns, kunyamalala kwakhe kususe mahlebo ngaye njengoba lelicembu lingakaveti sizatfu lesimente wangabonakali.
Bekangekho ngalesikhatsi bancoba kulomdlalo weBetway Premiership bahlula iSekhukhune United, nangempelasontfo lendlulile bashatjwa kabuhlungu nga-2–1 licembu le-Al Hilal kuCaf Champions League.
Kungabi khona kwakhe kuvumbule mahlebo ekutsi lonozinti unyomuliwe ngenca yekwehlusa efomini.
Kodvwa-ke, Cardoso utsi sincumo lesi besiyincenye yesinyatselo sekumvikela nje njengoba lonozinti atsintsekile kancane nje ngiko lobekumhlupha.
“Kuhlala kunetinkinga letincane ngemuva kwemidlalo,” kuchaza Cardoso. “Kulesinye sikhatsi abasho kutsi umdlali ulimele kakhulu.
“Kodvwa letimo leto zidzinga kuphatfwa ngekucaphelela kuze sigweme kumgcilata ngalokwecile.
“Kuletinye timo, size sitsatse sincumo sekutsi siphumute umdlali njengesinyatselo sekuvikela, hhayi ngoba alimele kakhulu.”
Lenjula buchopho yeSundowns ivete kutsi Williams utfole kutsintseka emsipheni wangephakatsi etsangeni.
Kodvwa ucizelele kutsi akusiko kulimala kwemsipha futsi akusikubi kakhulu.
“Williams ube nekutsintseka lokuncane nje. Akusiyo intfo letomhlalisa ngaphandle sikhatsi lesidze.
