Vele Dlamini we-Pirates uya ku-Stellies ? Asiveni……

Sekubikwe kutsi licembu le-Stellenbosch selisemnyango wekusayina umdlali we-Orlando
Pirates Kabelo Dlamini.

IDiskie Times itibambe tishisa tindzaba tekutsi lamacembu afuna kuvumelana ngekuntjintjana
ngebadlali.

Kusayinwa kwa-Kabelo Dlamini, kufanele kutsi Stellies sinike iBucks badlali lababili. Faiz Abrahams kanye na-Dublin Boon, kuyomele bajoyine iPirates.

Dlamini unemasizini lasitfupha agijima ku-Orlando Pirates. Udlale imidlalo leyi-187, washaya emagoli layi-21, washaya ema-assist layi-23.

Uncobe Indzebe yinye yeligi, wancoba Ytindzebe letine te-MTN8, wancoba i-Carling Knockout yinye, wabuya wancoba iNedbank Cup kabili.

Besekutsi, Abrahams yena, ucitse sikhatsi phesheya abolekuswe ecenjini le-Hapoel Kfar  Sabar, endzaweni yase Israel.

Udlale imidlalo leyilishumi nakunye, washaya emagoli lamatsatfu, washaya nema-assist nawo lamatsatfu.

Utse nakabuya kulelase Ningizimu Afrika, kwaphela ikontilaki yakhe yekubolekiswa. Udlale imidlalo
lemitsatfu ngephansi kwemceceshi Gavin Hunt.

Story by Nkosinathi