Yousseff utsi basete tinhlelo tekusayina badlali
Lelicembu le-Kaizer Chiefs libonakala licinile emuva kulesizini, ngemuva kwekutsi lidlale imidlalo le-9 ingakangenelwa ligoli nalinye, kufaka ekhatsi nalomdlalo wabo wekugcina ne-TS Galaxy.
Nanoma emuva litfutfukile, lisabukene nenkhinga yaphambili, bashaye emagoli la-13 kumidlalo le-13.
Lamagoli lawo afaka ekhatsi nemagoli lamane lebawashaye kumdlalo munye lapho bebancobakhona licembu le-Orbit College.
Mayelana naloku, licembu leKaizer Chiefs lilindzelwe kutsi litsatse tinyatselongayo, kufaka ekhatsi nekusayina badlali baphambili.
Kodvwa umceceshi Ben Yousseff nakabutwa ngekusayina badlali labasha, ukhulume wabhaca ngelivembe.
“Angati mayelana nekusayina badlali, kusanesikhatsi lesiningi sekucabanga ngayo, sitawubonisana ngayo,” kubike umceceshi Yousseff ngemuva kwemdlalo wangeLisondvo.
Kodvwa lisenetheni , uke wabika ngaphambilini kutsi lelicembu le-Kaizer Chiefs belicalile kukhuluma nelicembu le-Golden Arrows ngemgadli wabo Sede Junior Dion.
Umzamo we-Amakhosi wekucala ngalomdlali awumange uphumele kodvwa kulindzelwe kutsi lichubeke lichube lelicembu ngalomdlali.
Bangahle bafikele nemdlali welicembu le-Orlando Pirates lekuvakale kutsi ngatsi utawushiya lelicembu le-Orlando Pirates.
Ngekwembiko longakakhishwa ngalokuphelele, kutsiwa Mabasa inkontilaki yakhe nelicembu le-Pirates itawuphela madvute.
Lomdlali utukwenyanga yakhe seitfupha yesigaba sekontilaki yakhe nelicembu le-Orlando Pirates lekulindzeleke kutsi ngenyanga ya-Bhimbidvwane angakulungela kusayina nanoma kuliphi licembu.
