I-TS Galaxy isigcinile setsembiso sayo nge-Nedbank Cup

Licembu le-TS Galaxy liphindze lafinyelela kufika kumdlalo wemancamu we-Nedbank Cup, lishaya i-Milford FC nga-4-3 kumaphenathi.

I-TS Galaxy ngiyo lephumelele kuyodlala umlalo wemancamu we-Nedbank Cup nelicembu le-Durban City, lusuku kanye nendzawo kutawubikwa iPSL.

Nenkundla lapho kutawudlalwa khona itawumemetelwa ngoLwesine uma sekutfulwa tonke tinhlelo talomdlalo.

Licembu le-Milford FC ngilo lelishaye ligoli lekubika ngasesiwombeni sekucala kulomdlalo.

Umgadli wayo Siphosethu Ndlabi ucedzelele ligoli lakhe ngesitsendze ngebhola legotjwe ngu-Bulelani Sigomoshe locedze emadvodza eGalaxy wayongena nawo ebhokisini.

Kodvwa iGalaxy ayizange seyiphutise maseko utse umdlalo nawubuya ekhefini Victor Letsoalo watfola lekulinganisa kulomdlalo.

Tibe tindzala totimbili phakatsi eNkundleni lomdlalo waze wayophetsa emlotseni (kumaphenathi) lapho khona kubese kuphumelela lela Tim Sukazi.

By:Nkosinathi