Kubikwe kutsi badlali labatsatfu be-Pirates balulamile

Licembu le-Orlando Pirates likhiphe umbiko lojabulisako, kutsiwa badlali labatsatfu labakhulu futsi lababalulekile kulelicembu babuyile.

Labadlali labatsatfu bawulungele lomdlalo lolandzelako we-Betway Premiership.

Kuvelile kutsi Sinhle Nduli, Olisa Ndah kanye na-Khehleleni Makhaula balungile futsi bakona kulomdlalo wangoleSibili ebusuku, bayocudzelana nele-Chippa United.

Lomdlalo we-Betway Pemiership utawutsatsa indzawo enkhundleni yase-Orlando.

Lomdlalo lomkhulu utawudlala ngensimbi ya-07:00pm ebusuku e-Orlando Stadium.

Nduli walimala kulomdlalo we-Carling Knockout semi-final ngalesikhatsi bancoba licembu le-Richards Bay.

Kantsi Ndah kanye na-Makhaula bona basengakadlali ngisho namunye umdlalo kusukela lesizini icalile.

Lelicembu libikile kwekutsi labadlali sebasondzele kulungela kugijima phakatsi eNkhundleni.

“Lelicembu lingahle lisitakale ngekucina madvute ngekubuya kwemdlali wesisu Sihle Nduli, longazange awucedze umdlalo we-Carling Knockout nelicembu le-Richards Bay.

“Olisa Ndah kanye na-Makhehleni Makhaula bobabili basondzele kulungela kutfola umdlalo wabo wekucala wale-sizini,” kubke i-Pirates ephejini layo.

Licembu le-Orlando Pirates linelitfuba lekulingana nelicembu le-Mamelodi Sundowns ngemaphuzu la-25, nemdlalo munye esandleni. Umangabe batawukhona kuphumelela kulomdlalo wabo ne-Chilli Boys, banelitfuba lekuba baholi balelitafula leligi ye-Betway Premiership