Sekubikwe letibuhlungu ku-Kaizer chiefs nga-Frosler
I-Kaizer Chiefs ibukene nenkinga lekhulu ngemuva kwekulimala kwemdlali wasemuva lotsandza kudlala etindzaweni letehlukene, Reece Frosler, lotsintseke misipha yelitsanga (hamstring).
Lomdlali lonelwati ucale lesizini asesimeni lesihle, adlala njengemdlali wasemuva kwesancele, ekubeni ujwayeleke adlala kusekudla.
Ngesikhatsi semidlalo yekulungiselela lesizini, uphindze wadlala emkhatsini, lokwajabulisa umceceshi lomkhulu Fernando da Cruz ngelikhono laFrosler lekudlala etindzaweni letehlukene.
Kodvwa lomdlali wavelonkhe waseNingizimu Afrika nyalo utawuhlala ngaphandle kwesikhashana ngenca yekudzabuka kwemisipha yelitsanga.
Kukhona tindzaba letinhle, njengobe kukholwa kutsi kulimala kwakhe kulibanga lesibili kuphela, futsi angase abuyele ekudlaleni ngemuva kwemidlalo ye-MTN8.
Kulimala kwaFrosler sekwandzise kakhulu tinkinga teKaizer Chiefs esikhundleni semdlali wasemuva kwesancele, njengobe Nkanyiso Shinga, Paseka Mako naBradley Cross nabo basengakapholi.
Ngetulu kwaloko, umdlali longene esikhundleni saFrosler, Kabelo Nkgwesa,vnaye walimala.
Loko kwente umceceshi Da Cruz wangabi nayo lenye indlela ngaphandle kwekugucula indlela yakhe yekuhlela labadlali basemuva emdlalweni wabo bacudzelana neMamelodi Sundowns.
Da Cruz wakhetsa kusebentisa badlali labasemuva labasihlanu, kantsi Pule Mmodi wadlala njengemdlali wasemuva ehlangotsini lesancele ngesikhatsi lesiphutfumako.
“Bonkhe badlali betfu basemuva kwesancele balimele,” kusho yena ngemuva kwekudlala kwabo kulingana nga-1-1.
“Sibenelishwa emalangeni lambalwa landlulile endzaweni yemdlali wasemuva kwesancele.
“Kusukela kulomdlalo weSekhukhune United kuze kube lamuhla [ngeMgcibelo], silahlekelwe ngilabanye badlali lababili ngenca yekulimala, lokunguReeve [Frosler] naKabelo [Nkgwesa].”
Kutawsala kubonakala kutsi Da Cruz utawubukana njani nalenkinga, nekutsi kusebentisa kwakhe badlali basemuva labasihlanu bekunnalenkingtsi badlala ne neSundowns kuphela yini.
FUNDZA NALANA: ‘Gone kanjalo nje’ Rodri utfole likhaya lelisha e-Spain
Noma utawuchubeka nalelisu kuze avale lesikhala lesidalwe tinkinga teKaizer Chiefs kuloluhlangotsi lwesancelo.
Story by Nkosinathi Masinga
