Lokutsembiswa ngumceceshi Da Cruz ‘alenda’ e-Naturena
Umceceshi lomusha weKaizer Chiefs, Fernando Da Cruz, sewufike ngalokusemtsetfweni eNingizimu Afrika futsi sewujoyine lelicembu lase-Naturena.
Da Cruz ufika neticu letimangalisako, njengobe acitse
emasizini lamabili landlulile njengemcondzisi wekucecesha weNhlangano Yebhola Letinyawo YaseRoyal Morocco.
Akhuluma ngemuva kwekufika kwakhe e-Naturena, Da Cruz uvete injabulo yakhe ngekucala indzima yakhe lensha.
“Ngijabule kakhulu kuba lapha. I-Kaizer Chiefs beyisolo ibambe indzawo lekhetsekile enhlitiyweni yami.
“Ngiphindze futsi ngilandzelele inchubekelembili yalelicembu kuleminyaka lemibili leyengcile,” kusho yena.
“I-Kaizer Chiefs yiklabhu lenkhulu lenemlandvo locebile kanye nebalandzelilabanenshisekealo.
“Lokubalulekile kimi nyalo kwakha budlelwane lobucinile nebadlali, kugcizelela ingcondvo yekuncoba, nekusebentisana kute sizuze imphumelelo lefanelwe balandzeli betfu.
“Luhambo lolusembili lutawudzinga kusebenta kamatima nekubambisana, kodvwa ngiyetsembisa kutsi sitawuphumelela.”
Lelicembu selihlanganise liviki lesibili liloku litilolonga ngaphambi kwekutsi kucale lesizini lensha.
FUNDZA NALANA: Buka: Lokwente Rele wancaba kuhamba kulesizini leyengcile
Basiti ba-Fernando Da Cruz ku-Kaizer Chiefs bebasolo bachubeka nemsebenti ngesikhatsi kwentiwa emalungiselelo ekufika kwakhe.
Umcondzisi we-Chiefs Kaizer Motaung Jr wemukele lomceceshi lomusha, watsi kufika kwakhe kusho sicalo sesehluko lesisha kulelicembu.
“Sijabule kakhulu kwemukela Umceceshi Da Cruz ku-Kaizer Chiefs,” kusho Motaung Jr.
“Sikholwa kutsi utawuletsa emandla lamasha kanye nembono lotawusita lelicembu kutsi libuyele endleleni yemphumelelo.
“Ngekwesekelwa balandzeli betfu kanye nekutinikela
kwebadlali, silindzele isizini lenhle kakhulu.”
Da Cruz sohlangene nabo bonke ebadlali kanye nebasebenti bonke be-Kaizer Chiefs nakafika eNaturena.
Story by Nkosinathi
