Umceceshi we-Chiefs uncoma Velebayi

Umceceshi welicembu le-Kaizer Chiefs Cedric Kaze, utsi sicalo sa-Velebayi sibufakazi bekutsi kubeketela kuyabhadala kakhulukati umangabe ufaka lithalente lelisha.

Loweminyaka le-22 ngebudzala losandza kujoyina lelicembu, analoweminyaka le-19 ngebudzala Luke Baartman, bajoyine Amakhosi ngemuva kwekutsi licembu labo le-Cape Town Spurs lehliswe.

Kodvwa labadlali lababili kubakose kwekutsi balindze litfubalabo lifike, ngenca yekutsi le-Spurs belibhikisha lilwa ngalendzaba yalabadlali.

Velebayi ugcine walitfola litfuba lakhe lekudlala umdlalo wesi-11, Kaze utsi lesihlabane lesincane sidlale ngekutitsemba saveta kwekutsi kungani lelicembu belimutsemba.

“Kunendlela yekuletsa badlali labasha ecenjini, kulesinye sikhatsi batsatsa sikhatsi,”kukhulume Kaze.

“Uma ungajaka tintfo utawubulala kutitsemba kwemdlali. Kodvwa Velebayi uletse lokuhlukile, unesibindzi, uyamcondza umuntfu ayedvwa, uyakhona kufaka mabhola, uyakhona kujuba inkhundla ashaye emapalini.”

Kaze uncoma lomfutfo walomdlali weliphiko nekutsi agadle ngekutitsemba, ungetele ngekutsi balandzeli be-Chiefs bangalindzela lokunyenti njengobe ahlaliseka kulelicembu.

“Bekusicalo lesihle kakhulu, futsi sinelitsemba lekutsi utoyenta lokuningi,”kusho Kaze.

Lokulandzelako: i-Chiefs iyobe ilindzele kutsi Velebayi achubeke ngesibani sakhe njengobe bachubeka balungiselela midlalo ye-Betway Premiership lelandzelako.