Adams ufaka umbono mayelana nalomdlalo wabo neMC Alger
Lomdlali losasemncane lodlala sisu welicembu leMamelodi Sundowns Jadan Adams, ufaka umbono mayelana nalomdlalo wabo weCAF Champions League lolandzelako.
Lomdlalo ubucayi kakhulu ngoba iSundowns ibukelele kuncoba lomdlalo njengobe idzinga emaphuzu kute ikhone kukhuphuka.
Ukhumbule kahle kutsi Masandawana adlala ngekulingana nga1-1 licembu leFC Saint-Eloi Lupopo kulempelasontfo lendlulile.
Adams nguye lowakhipha lelicembu emgibeni ngekutsi ashaye ligoli lekulinganisa lomdlalo esombeni sesibili salomdlalo, waphetsa njalo lomdlalo lobange maBrazilians aphazamiseka kuleluhlangotsi.
Ngomhlaka 14 Indlovana ngemgcibelo iSundowns itawubambana neMC Alger eLoftus Versfeld, kantsi Masandawana ayati kutsi litfuba labo lekugcina lekutsi bacuphe maphuzu lamanyenti kulomdlalo.
Ngekubhekisa kulomdlalo lolandzelako, Adams utse kugiya emavi emcondvo lojulile wekuhlakanipha kanye nemalungiselelo alomdlalo lobaluleke kakhulu kubo.
“Kulomdlalo kwamele sihlome ngako konkhe lesinako, kwamele siwuncobe lomdlalo, kantsi futsi nemalungiselelo nawo kwamele ahambe kahle,” kubike Jaden Adams kuletinkhundla tetindzaba talelicembu.
“Kwamele siphole ngekuphutfuma mayelana nalokwengcile, sikhone kubukana ngco nalomdlalo lesiyakuwo.”
“Kube mdlalo losindzako kakhulu, besikhona kuyibamba ibhola kodvwa esuswini bebadlala babane kungako sicakekile,” kungetele Adams.
Utsi Adams ngesikhatsi selikhefu, baceceshi nebadlali bachamuke nemasu/nemachinga, kwatsi uchubeka lomdlalo esombeni sesibili bawasebentisa lamachinga bakhona kutfola neligoli.
