Motaung Jr uyala iChiefs idlale iCAF eDobsonville
Umcondzisi wetemidlalo we-Kaizer Chiefs Kaizer Motaung Jrn uphendvulele lelicembu mayelana nekudlala e-Dobsoville Stadium midlalo ye-Caf Confederation Cup.
Ngaphandlen je kwelizinga lekusekela kwebalandzeli balelicembu ngalesincumo,Motaung Jrn uveta kwekutsi ngeke kwenteke/kukhonakale.
Amakhosi baphumelele umdlalo wabo lomkhulu lobabeke esigabeni lesinye ngemuva kwekutsi bashaye AS Simba3-1 phambili kwebalandzeli bebagcwele ngendlela lejabulisako.
Balandzeli base-Soweto bacule benta leNkhundla yajabulisa lelicembu, kwahle kwakhumbuta labaningi ngenjabulo yasekhaya yakudzala yesineke.
Ngako-ke, Motaung Jrn uchazile kwekutsi iNkhundla yase Dobsinville ayikabhaliswa emaphepheni e-Caf kulemidlalo yetigaba lelandzelako.
Loku kuchaza kwekutsi i-Chiefs itawudlala midlalo yayo ye-Caf eNkhundleni yasekhaya e-FNB.
“Besingatsandza natsi kutsi, futsi loyo mbuto lobalulekile,” kukhulume Motaung Jrn
“Dobsinville ayikabhaliswa njengencenye yetiNkhundla te-Caf kulemidlalo lelandzelako. Besiyisebentisela lemidlalo yesigaba sekucala, kodvwa asikavunyelwa kutsi singayisebentisela midlalo yetigaba (group stages).
Motaung uncoma lendlela balandzeli bebasekela ngalo lelicembu nangalendlela bebachumana ngayo nebadlali eNkhundleni yase Dobsinville, ugcugcutela balandzeli kutsi baphindze bente njalo naseNkhundleni yase-FNB.
“Bekujabulisa kakhulu eDobsinville, bantfu bebaphume ngemandla/ngetinkhani, bachumana kungatsi ngugezi.
“Sihlala sifuna kuletsa midlalo ebantfwini kodvwa nyalo kungetulu kwemandla etfu.
“Sibonile kutsi lendzawo ibaluleke kangakanani kubalandzeli betfu nelicembu, ngako-ke sicela bonkhe balandzeli lebatsembekile be-Amakhosi kutsi bete ngetinombolo.
“Tsine njengebaholi, basinika mandla, kantsi nangekusisekela kwabo, singaphumelela etintfweni letinyenti.”
I-Chiefs ifakwe ehlangotsini la-GroupD, lapho khona kunemacembu lafana nabo,Zesco United lase-Zimbabwe, ne-Zamalek yaseveni lase-Egypt, kanye ne-Al Masry, kulandzela kudvonswa kwangoMsombuluko e-Johannesburg.
