Mshishi uphawule ngalomdlalo wabo weCAF

Sihlabane selicembu le-Mamelodi Sundowns Themba ‘Mshishi’ Zwane uncome balingani bakhe ngekutsi babemehlo mane kulomdlalo.

Utsi uncoma labadlali kutse bakhone kubamehlo mane baphumelela kuncoba licembu le-MC Alger nga2-0 kulomdlalo weCAF.

Ngemuva kwalesicakacaka sekutsi lomcwaningi weSundowns asolelwe ngekuba yimpimpi leyeba tindzaba letibalulekile atjele Rulani Mokoena.

Nyalo umisiwe emsebentini, nalelicembu likhonole nekutsi liphumelele emdlalenibwalo nelicembu laRulani Mokoena.

Loweminyaka le-36 ngebudzala utsi bamehlo mane ngemsebenti wabo lobente baphumelela kulomdlalo labasuka kuwo.

ZWANE UVETE KUBONGA NEKUNCOMA

“Vele, bekumatima, bekunetinkhulumo letinyenti kodvwa tsine besati kahle kutsi umsebenti wetfu kutsi sinake kakhulu lomdlalo sibambane,”kubike Mshishi kulemidiya yeSundowns.

“Sibobhuti nabhuti, siyabonisana, futsi siyadvudvutana, ngitsandza nekubonga kakhulu Sihlalo wetfu (Thlopie Motsepe) ngekusidvudvuta kakhulu.

LOKUBENTE BAKHONA KUNCOBA LOMDLALO

“Besati kwekutsi batawufuna kupaka ibhasi emuva, kungako sifake umfutfo Saya kubo phansi etulu sitfole ligoli ekucaleni kwemdlalo, kantsi sente njalo.

“Besati kutsi batawenta emaphutsa lemuvq, ngitsandza nekuncoma Leon ngekuhlala amehlo mane lephambili wasishayela emagoli lamabili,” kungetele Themba Zwane.

INCHUBEKELA PHAMBILI

ISundowns iphumelele kuwelela kusigaba se-last16 weCAF, bachubekela phambili esigabeni lesibucayi.

By:Nkosinathi