BESENIVILE KWEKUTSI I-ORLANDO PIRATES IFUNA ANDRE DE JONG WE-STELLIES

Lomgadli lomkhulu we-Stellenbosch FC wase veni lase New Zealand ngekutalwa, kusukela wajoyina licembu le-Stellies ngemnyaka wa2023 ngenyanga ya-Bhimbidvwane asuka kulicembu le-Royal AM.

Udlale midlalo le-103, washaya magoli la-16, wasita (assist) ka-11, adlala ligalelo le-10 enkhundleni ngaphansi kwetandla temceceshi Steve Barker.

Kutimisela kwakhe kumvete emacenjini lamaningi kufana ne-Orlando Pirates lecedza kutsatsa tinyatselo tekusayina lomdlali, kantsi nebacwaningi betintsatseli bekuphenya nabo baveta  kwekutsi sivumelwano salamacembu sisondzele emaphetselweni.

Ngako ke, Mphatsi Mandla (CEO) we-Stellies Rob Benadie ubike kutsi basanelitsemba lekutsi batophumelela kumgcina ngembi kwekutsi kuvalwe.

“Cha lesivumelwano leso sisengakaphetfwa, sitawucedzelelwa kulama awa lalandzelako,” Rob Benadie utjele be-idISKI Times.

“Kodvwa kusengacedzelelwa , sifisa kungatsi angasala natsi.”

I-Pirates isayine badlali laba-13 ngalesikhatsi semakethe yekutsenga badlali ngaphansi kwemceceshi lomusha Abdeslam Ouaddou.