Broos usola iFIFA ngesincumo lesitsetse nga-Mshishi Zwane
Umceceshi we-Bafana Bafana Hugo Broos usale atfukutsele agane lunwabu ngemuva kwekutsi akhalele i-South African Football Association (SAFA), Mayelana nesigwebo sa-Themba Mshishi Zwane.
Zwane wakhishwa ngelikhadi lelibovu kulomdlalo wekucala, iBafana Bafana idliwa nga-2-0 iMexico.
Bekufanele amiswe undlalo munye, kodvwa ikomiti ye-FIFA yadigucula lesincumo kwatsiwa sekufanele amiswe imidlalo lemitsatfu.
Lesincomo lesi, sichaza kutsi Themba Zwane loyinjulabucopho yalelicembu angeke adlale emdlalweni wesigaba sekucala wemkhumulajezi.
I-SAFA iveta kunganeliseki ngalesincumo lesitsetfwe ngalomdlali, igceka ikomiti ye-FIFA ngalesincumo lesitsetfwe.
“Sidunyelwe kakhulu ngemiphumela yesikhalo setfu, ngoba sikholwa kutsi lesijeziso simatima kundlula lokwentiwe ngu-Themba Zwane,” kusho iSAFA.
Broos naye akamange afihle kudvumateka kwakhe akhuluma nabetindzaba, ngalesincumo lesitsetfwe ngalomdlali wakhe.
FUNDZA NALANA: Sekunebahloli base-Germany labatingela Relebohile Mofokeng
“Teboho (Mokoena) utawube akhona nakanjani kulomdlalo wetfu ne-Canada,” kusho Broos.
“Kodvwa Zwane cha, abakasamukeli sikhalo setfu, lokuyintfo lesabisako.
“Loku lakwentile bekungasifaneli lesijeziso lanikwe sona, semidlalo lemitsatfu.”
Uphindze wabala nekutsi, kukhona libandlululo nekungaphatfwana ngekufana kulendzebe yemhlaba.
“Kunetintfo lengitibone tenteka enkundleni, lapho khona bangakayi kuyobuka iVAR nakutsatfwa tincumo,” kungeta Broos.
Nanoma nje Broos atsi Mokoena uyabuya, kodvwa kungabikhona kwa-Mshishi kuyalilimata lelucembu.
Story by Nkosinathi
