Cupido: ‘Kuwina i-CAF CL liphupho letfu sonke sibadlali be-Sundowns’
Lomdlali wasemuva walelicembu le-Mamelodi Sundowns Keanu Cupido, uphawule ku-iDiski TV mayelana nekuwina iCAF Champions League njengobe balungiselela i-2nd leg.
I-Sundowns iyophindze ibukane nelicembu laseveni lase-Tunisa i-Esperance Sportive de Tunis, enkundleni yase-Loftus Versveld eNingizimu Afrika.
Masqndawana ahamba phambili ngeligoli linye njengobe kulomdlalo wekucala badhaya lelase Tunisia 1-0.
Cupido ukubeke kwacaca kutsi bativa njani bonke njengebadlali balelicembu, kumela lelinye lemacembu lamakhulu e-Afrika yonke jikelele.
“Wonke umuntfu ecenjini liphupho lakhe kutsi siwine Champions League, kantsi futsi nekudlalela licembu lelikhulu lelifana ne-Sundowns kulitfuba lelikhulu kakhulu kitsi sonke,” kusho Cupido.
I-Sundowns itawube yamukela licembu le-ES Tunis edolobheni lase-Tshwane enkundleni yase-Loftus Versveld. Ngensimbi ya-15h00 emini, ngomhlaka 18-Mabasa 2026, ngeMgcibelo.
By:Nkosinathi
