Mokwena utsi akukukho lokutseni ngekubukana ne-Sundowns

Rulani Mokwena uyala kuvuma kutsi lomdlalo we-Caf Champions League ubaluleke kundlula yonkhe midlalo ledlalwe lesizini.

Licwmbu le-MC Alger litawucudzelana nelicembu lakadzeni lamceceshi Rulani Mokwena i-Mamelodi Sundowns ngoLesihlanu ebusuku.

Kuyoba kukwekucala ngca kutsi Mokwena ahlangane nelicembu lakhe lakadzeni ngemuva kwekutsi alishiye minyaka lemibili lendlulile.

“Sicale emalungiselelo etfu njengenjwayelo kufana nalamanye macembu,” kukhulume Mokwena ku-media Conference ngolwesine.

“Sibuke kucina nekutsamba kwe-Sundowns kutfola lokwanele-hhayi lomning-umniningwano kulabadlali kutsi bakhone kudlala lomdlalo.

“Akusiwo umdlalo lokhetsekile/losetulu. Ngumdlalo nje we-Champions League, vele mdlalo lomatima kufana nayo yonkhe midlalo kulesigaba se-Champions League.

Rulani Mokwena kudzingeka kwekutsi ancobe lomdlalo kute akhone kubuyisa licembu lakhe endzaweni njengobe adliwe umdlalo wakhe wekucala.

Lelicembu lase-Algeria leliceceshwa ngumceceshi Rulani Mokwena ladliwa umdlalo walo wekucala 2-1 badlala nele-Al Hilal lase-Sudan.

Besekutsi licembu le-Sundowns lase-Ningizimu Afrika lona lancoba umdlalo walo wekucala 3-1, lidlala  ekhaya.

Bebancoba licembu le- St Eloi Lupopo lelakhipha i-Orlando Pirates kulomncitiswano we-CAF Champions League.

Licembu le-Sundowns litawucudzelana nelicembu le-MC Alger e-Stade Ali Ammar Dit Ali L a Ponite, ngensimbi ya20:00/21:00 ebusuku.