Davids ushiye Maema acakekile e-Tanzania

Sihlabane se-Simba SC, Neo Maema ukhulume ngesicalo sa-Fadlu Davids lomsayine kulelicembu lase-Tanzania lelikhulu.

Maema bekangatsoli sikhatsi lesanele sekudlala kulelicembu lakhe le-Mamelodi Sundowns, katsi Davids watsi akabolekisiswe lomdlalo.

Lokukwenteke ekucaleni kwale-Sizini ngalesikhatsi Davids angumceceshi kulelicembu lase-Tanzania, kodvwa watfola lelinye lelimente waba sekudzeni inyanga nje yinye.

Uye e-Morocco lapho acecesha licembu lelikhulu lesive, i-Raja Casablanca, bekulitfuba bekangeke alekele.

Davids uhambe washiya Neo Maema acakekile, kodvwa loweminyaka le-29 ngebudzala uvete kwekutsi uyavisisa kutsi kungani lomceceshi ahambile.

“Kahlekahle, yena usibitile,” kusho Maema

“Besise Goborone lapho asibite khona watsi, ‘niyati kutsini….’

“Utse kunetintfo lafuna kutilungisa kuye nekutsi futsi uyacolisa kusiletsa lana aphindze asishiye.”

Neo Maema utsi ngalesikhatsi Davids abachazela, kube lula kuye kutsi avisise njengobe ati lihambo lekuba ngumceceshi.

“Ngivisisile ngoba, uma ngingenti liphutsa, futsi utongicolela  umangabe ngenta njalo,” kungetela lesihlabane sakudzala se-Bloemfontein Celtics.

“Ngicabangela  indzba lekhulu yelikusasa lakhe, kakhulu kati kusuka ku-Orlando Pirates lapho acale khona njengemceceshi lisekela. “Ngiyatsemba kutsi unelikusasa lekufanele atakhele lona  njengemceceshi katsi futsi ngiyo intfo lengente ngavisisa.