Doctor Khumalo uvete kukhatsateka nga-Vilakazi

Sihlabane semlandvo welicembu le-Kaizer Chiefs Doctor Khumalo, utsi baceceshi balelicembu le-Kaizer Chiefs ababukisise ligalelo la-Mfundo Vilakazi kulelicembu.

Ukhulume kuSABC Sport’s Soccer Zone, lapho khona nyalo angumhlatiyi webhola letinyawo.

Doctor Khumalo ubute mayelana nekutsi labaceceshi bamsebentisa njani loweminyaka le-20 ngebudzala Mfundo Vilakazi.

Bekakhulu ngalomtselela lomuhle wa-Vilakazi lobekasuka ebhentjini lapho khona i-Chiefs idliwe khona 2-1 licembu le-Al Mastry, ku-Caf Confederation Cup.

“Umangabe ufuna kukhuluma ngaMfundo, buka leminyaka lendlulile ku-Kaizer Chiefs ucatsanise naloku langiko nyalo ngemuva kwe-(u20) World Cup.

“Ungumdlali lohlukile. Nyalo wenta lokuhle kakhulu,” kubike Khumalo.

“Midlalo yakhe, ngalesikhatsi asandza kukhushulwa aletfwe kulelicembu lelidzala, uyabona kwekutsi bekunekushoda kwelwati.

“Bekanebuntfwana kakhulu, kodvwa ngicabanga kwekutsi utfole lwati lelukhulu, futsi lena indlela yakhe: kujuba inkhundla angene phakatsi ashaye ligoli.

“Ngicabanga kwekutsi ushayile ligoli ku-Orbit College. Ngicabanga kwekutsi utfole lwati.

“Ngabona Mfundo Vilakazi lohlukile ngalesikhatsi adlala kulomncitiswano we-Ndzebe yeMhlaba (u20 world cup), ngobe bekangadlali ephikweni.

“Bekadlaliswa njengemkhiciti, umgadli wesisu, njenge-10. Kungako sashaya emagoli la-5 sidlala nelive lase-New Caledonia, kungenca yakhe.

“Ngako-ke, udlala kahle kakhulu umangabe asesuswini/emkhatsini kundlula uma adlaliswa eceleni,” kungetele lomdlali wakudzala wemkhatsi we-Chiefs.

Licembu le-Amakhosi likunombolo-3 walencenye ya-Group-D ne-Zesco U nited, babukene nalobunye bumatima nelicembu laseveni lase-Egypt i-Zamalek.

Licembu le-Kaizer Chiefs liyobe livakashelwe le-Zmalek kumdlalo wabo wesibili.