I-Chiefs itawucina emuva ngekubuya kwebadlali
Kubuya kwebadlali lababili lebadlala emuva kuhle, ngekuva kwekutsi banyamalale sikhatsi lesidze.
Babaliwe ngalesikhatsi licembu le-Kaizer Chiefs libika badlali lebayodlala kulomdlalo we-Caf Cofederation Cup groups atages eveni lase-Egypt.
Lelase-Naturena livakashelaindzaweni yase-Pharaohs liyocudzelana nelicembu nelicembu le-Al Masry ngoMgcibelo Emini.
NgoLesine i-Kaizer Chies ikhiphe magama ebadlali lebatawuvakashela kulelase-Egypt.
Lokudvonse emehlo kakhulu kulamagama kubona Given Msimango kanye na-Paseka Mako.
Labadlali bobabili bahlale sikhatsi lesidze bangadlali, kakhulu kati Given Msimango losengakadlali namunye mdlalo kulesizini.
Kubona libito la-Given kulencenye yemabito, kuchaza kutsi upholile ngalokuphele.
Mako, lowatsatsa sincumo sekusuka kule-Pirates ajoyine i-Chiefs ekucaleni kwalesizini naye upholile ngalokuphelele.
Lomdlali wasemuva wesancele besekacalile kutsandvwa balandzeli ngembi kwekutsi ahlangabetane nekulimala.
Kubuya kwalabadlali basemuva kutawucinisa lelicembu emuva kakhulu, njengobe na-Thabiso Monyane naye asandza kubuya.
Lomunye umdlali lobaliwe kulencenye yebadlali lebatawuvakashela lase-Egypt ngu-Lebohang Maboa.
Badlali be-Kaizer Chiefs lebahambako
Bonozinti:
- Brandon Peterson
- Bruce Bvuma
Badlali basemuva
- Thabiso Monyane
- Dillan Solomons
- Brandly Cross
- Paseka Mako
- Inácio Miguel
- Given Msimango
- Zitha Kwinika
Badlali besisu/mkhatsi
- Singiseni Mthethwa
- Thabo Cele
- George Matlou
- Siphesihle Ndlovu
- Lebohang Maboa
- Nkosingiphile Ngcobo
- Mduduzi Tshabalala
- Mfundo Vilakazi
- Asanele Velebayi
- Pule Modi
Bagadli/Labadlala phambili
- Etiosa Ighodaro
- Ashley Du Preez
- Flavio Da Silva
