Ekugcineni i-Bucks iyaphumelela kusayina Thapelo we-Stellies
Emabhakabhaka acinisekise ngaLesitsatfu kutsi Thapelo Mokobodi, loneminyaka lengu-23, usayine inkontilaka yeminyaka lemitsatfu futsi sewuhlangene nalabanye badlali ekhempini yelicembu.
Loku kwenteke njengobe i-Orlando Pirates ichubeka nekucinisa sikwati salo ngaphambi kwekucala kwesizini ye-Betway Premiership ya-2026/27.
Mokobodi ungulomunye webadlali labasha labaletsiwe njengoba umceceshi Abdeslam
Ouaddou achubeka nekwakha sikwati lesitawuncintisana ku-Betway Premiership, tindzebe tasekhaya kanye ne-CAF Champions League.
Nakakhuluma ngemuva kwekusayina, Mokobodi utsi ujabule kakhulu ngekutfola lelitfuba lekudlalela lelinye lemacembu lamakhulu eNingizimu Afrika.
“Ngijabule kakhulu kuba lana futsi sengilangatelela kuhlangana nalabanye badlali belicembu,” kusho Mokobodi.
“Leli litfuba lelikhulu lekudlalela licembu lelifana ne-Orlando Pirates. Sengikulungele kucala umsebenti futsi ngifuna kufaka sandla emphumelelweni yalelicembu lelikhulu.”
I-Pirates iphindze yamemetela kutsi Mokobodi utawugcoka ijezi lenombolo 33 kule sizini. Lena yinombolo lebeyigcokwa ngu-Lebone Seema ngesizini leyengcile.
FUNDZA NALANA: Tijikile tintfo ku-CAF Five-years Ranking, iDowns iyakhuphuka
Balandzeli sebatawube balindzele kubona kutsi lomdlali utawukhona yini kutibonakalisa masinyane njengoba i-Orlando Pirates ilungiselela kucala kwesizini lensha.
