Hlungani uphawula ngemaphenathi lancishwe licembu le-All Stars
Lobekangu nomphemphe we-PSL Victor Hlungwani uphawule ngetigameko letimbili letenteke kulomdlalo we-Carling All Stars, lapho khona licembu le-Orlando Pirates liwine 2:0.
Letigameko tishiye babukeli kanye nebalandzeli bamangele, lapho khona nompempe atsatse tincumo letimangalisako.
Lapho khona Khehleleni Makhaula adlilise khona kabi Mfundo Vilakazi phakatsi ebhokisini kodvwa nompempe wangajaji, wabuye wanika lomdlali likhadi.
Sigameko sesibili kulapho Olisa Ndah adlalise khona Naledi Hlungwani phakatsi ebhokididni kodvwa nompempe watsi cha, abakamenti lutfo lomdlali.
“Sitawucale sibuke eThekwini……emdlalweni we-Orlando Pirates ne Carling All Stars. Kunetikhalo ngephenathi ya-Vilakazi,” kusho Hlungwani.
Masibuka kutsi Vila ukhahleliwe noma cha. Uma uyibuka kahle utobona kutsi nompempe umniketa likhadi leliphunti ngekulingisa.
“Asibuke kutsi likhona yini licala noma alikho. Uyabona kutsi Makhaula ukhahlele ibhola lapha.
“Uma ukhahlele ibhola alikho licala lelentiwe. Uyabona laphaya kutsi Makhaula ukhahlele ibhola udlale ibhola.
“Ngako ke, alikho licala lapho, sincumo lesihle lesitstfwe ngunompempe kutsi angayibeki iphenathi,” kubike Hlungwani.
Kulesigameko sa-Naledi Hlongwane adlaliswa kabi ngu-Olisa Ndah phakatsi ebhokisini, kodvwa nompempe watsi cha akusiyo iphenathi.
“Tukwesigameko sesibili, sibona Naledi Hlongwane uphutsatwa ngu-Olisa Ndah umlahla phansi.
“Lokusho kutsi nompempe bekufanele abeke iphenathi. Kodvwa akumange kwenteke njalo lokusho kutsi akusiso sincumo lesihle leso.
