I-Agent iveta kungaphumeleli kwa-Kodisang kule-Chiefs
I-Agent lemele Kobamelo Kodisang, Mike Makaab we-ProSport International uvete kwekutsi kunganikuya kwalomdlali kulelicembu l-Chiefs kungakaphumeleli.
Utsi kube tindzaba temali letivimbe Kobamelo Kodisang kutsi atfole lelitfuba lelikhulu lekudlalela licembu le-Kaizer Chiefs.
Kodisang nyalo uku-Loan eveni lase-Portugal lelisezingeni lelingenhla khakhulu AVS Futebol SAD usuka tukwelicembu le-Mamelodi Sundowns.
Ulindzele kuphakamisa lizinga lakhe lebhola letinyawo njengoba ngalesikhatsi adlalela lelase Chloorkop bekanikwa sikhatsi lesanele sekutsi adlale kulesizini lephelile.
Lesizini leyengcile adlala kule-Sundowns, loweminyaka le-24 ngebudzala longumdlali weliphiko, ushaye emagoli lamabili nema-assist la-2 kumidlalo le-13 yonkhe lekayidlalile.
Lesivumelwano asikaphumeleli salomdlali ngenca yekucomeka kwalomdlali kule-Braga, Makaab uvete kube-FARPost.
“Kube nekumfuna licembu le-Kaizer Chiefs, kodvwa kwamele uvisise kutsi kulesikhatsi bekasayine ikontilaki nele-Braga, ngeloan ,” kusho Makaab.
“Lelicembu le-Braga belingeke livume kumkhulula ngemali lencane, bayamncoba kakhulu, futsi bambeke ezingeni. Ngako-ke ngiko lokuvimbile loko.”
Makaab utsi etulu kwaloko, kutsengiselana kwebadlali ebholeni letinyawo akuvamisi kucondza, kakhulu kati umangabe emacembu lamanyenti angenelela.
“Kulula kukhombana ngetingalo ecenjini lebhola letinyawo, umdlali webhola, noma i-agent yebholaletinyawo umangabe ubuka tukweluhlangotsi langaphandle,” kushito yena.
“Kwamele sivisise kutsi letintfo leti kwamele tihambisane, licembu lelifuna kutsenga nelicembu lelitsengisako.
“Kusayina umdlali kulula umangabe utfola ete licembu. Ngako-ke, yebo bekafuneka/bekafunwa, kodvwa kute kuvumelana lokuphumelele.”
Likusasa la-Kodisang lisala lisihloko sekufunwa, kutimisela kwakhe eveni lase Portugal ngiko lokutosho kutsi uyabuyela kule-Sundowns noma ubuke lomunye umncitiswano.
