Jose Riveiro uchaza ngekubuya kwakhe e-Mzansi
Umceceshi welicembu le-Orlando Pirates wakucala Jose Riveiro ubuyile e-Ningizimu Afrika.
Kantsi lokubuya kwakhe lobekungakalindzelwa kumangalise labanyenti, kwaphindze kwacha tinkhulumo nemahlebo kulebhola letinyawo lakhona lakhaya.
Jose Riveiro loshiye licembu le-Orlando Pirates emaphetselweni ale-Sizini leyengcile wayojoyina laseveni lase-Egypty licembu lelikhulu le-Al Ahly.
Ubeketele kancane kanye nekuphazamiseka nyana kulelase-Nyakatfo ye-Afrika.
Wakhululwa ekupheleni kwenyanga ye-INgci, akamange ahole ngisho nemidlalo lelishumi kulelicembu lelikhulu kulelive.
Nyalo, longuchwepheshe wekutsatsa tindzebe−uncobe tindzebe letisihlanu ngemasizini lamatsatfu nelicembu le-Orlando Pirates.
Kantsi nyalo-ke uphindze wabuya emhlabatsini waseveni lase-Ningizimu Afrika.
Loku kunetimangaliso letinyenti, kutsi ingabe kubuya kwalomceceshi lokumangalisako kungaba sendleleni lekahle.
Kodvwa kwanyalo, Jose Riveiro utsi kuvakasha kwakhe kumayelana nekumenywa kulomdlalo we-Carling Black Label, kulomdlalo lotako we-Carling Knockout Cup Final.
Ngibe incence yeluhambo le-Black Label minyaka lemitsatfu kunginyalo,” utjele mphatsi luhlelo we-SuperSport Tv Thomas Mlambo.
“Kantsi nyalo nginelitfuba lekuba incenye yalenkampani maviki lambadlwana kutsi sibenesiciniseko sekutsi siba nemcitiswano lojabulisako ekugcineni.”
Ligalelo lakhe kulendzebe ye-Carling yemincitiswano lifihliwe, kulindzelwe kwekutsi kucaciswe ngoLesitsatfu kulomcimbi we-Midiya.
Budlelwano ba-Riveiro nalomncitiswano bunemandla kakhulu: Uceceshe licembu le-Orlando Pirates kantsi futsi wavotelwa Kabili kutsi ahole lelicembu le-Carling All Stars, wancoba lemidlalo yonkhe lemibili.
Licembu le-Orlando Pirates liyocudzelana nele-Marumo Gallants ngomhlaka-06 Ingongoni.
Lelitawuphumelela kutsatsa lendzebe litawubukana nele-Carling All Stars, lelakhiwa ngebadlali baku-PSL nabe-DStv Diski Challenge tihlabane letitawukhetfwa balandzeli.
