‘I-Chiefs beyite kutosiphulela badlali’:Ouaddou uyakhala…

Lomceceshi welicembu le-Orlando Pirates Abdeslam Ouaddou ukhale ngekutsi iChiefs beyingaketi kutodlala ibhola kodvwa kutophula badlali bakhe, ngemuva kwalomdlalo we-Dabi lophele nga-1-1.

Letingcalamba tase-Soweto, betibambana kwesibili kulomdlalo we-Betway Premiership e-FNB Stadium.

Amakhosi adliwa 3-0 kulomdlalo wekucala, lapho khona emagoli kwashaya khona Tshepang Moremi, Oswin Appollis, kanye na-Evidence Makgopa.

Kulomdlalo wange-Lisontfo we-Soweto Dabi, kucale iChiefs nga-Pule Modi ngemuva kwekutsi lomdlalo ubuye ekhefini, yabuya I-Pirates nga-Sibelebele yalinganisa.

Ouaddou ukhale ngekutsi badlali be-Chiefs bebadlalisa badlali bakhe kabi kulomdlalo we-Dabi, utsi bebakhahlela futsi baphula labadlali.

“Lengikubone namuhla, angati kutsi ngitsi ngibone kudlalwa ibhola noma ikarati,”kusho Ouaddou.

“Ngalesikhatsi ngibona kutsi badlali bami labatsatfu Moremi, Appollis, kanye na-Mofokeng bebacapheliwe, bafuna kubaphula tinyawo. Lena intfo lengingeke ngiyivumele ebholeni.

“Kantsi futsi umangabe ngifuna kujula ngalomdlalo, sigaba sekucala salomdlalo besingajabulisi nakancane ngenca yelicembu belite kutolimata badalali bami.”

By:Nkosinathi